बुटवलका मेयर सुवेदीमाथि पहिरो पीडित युवाले गरे मुक्का प्रहार
बुटवल असोज ४|
बुटवल उपमहानगरपालिकाका मेयर शिवराज सुवेदीमाथि कुटपिट भएको छ । बुटवल-३ ज्योतिनगरको पहिरो अवलोकनका क्रममा स्थानीय एक युवाले सुवेदीलाई मुक्का प्रहार गरेका हुन् ।
सोमबार आज विहान पहिरो अवलोकन गर्न पुगेका सुवेदीहलाई स्थानीय एक युवाले मुक्का प्रहार गरेका थिए । सुवेदीको सुरक्षामा खटिएको नगर प्रहरीको टोलीले आक्रमण गर्ने युवालाई रोकेका थिए ।
भदौ १३ गतेअघिदेखि लगातारको वर्षाले चुरेबाट पहिरो खस्दा बुटवल ज्योतिनगर र लक्ष्मीनगर क्षेत्रका करिब दुई दर्जन घर क्षतिग्रस्त भएका थिए। स्थानीयले प्रभावित क्षेत्रमा सरकारले नहेरेको भन्दै आक्रोश पोख्दै आएका थिए।
Comments
Post a Comment